أنا شخص نَشيط، بَصحى السّاعة سِتة الصُبِح كُل يوم و بَصَلّي. بَعدين بَعمِل فطور إلي. اليوم رَح أَعمِل سَندويشة جِبنة و بيض مع شاي بنَعنَع. بَعد الفطور بَقرأ شوي و بَعدين بَبَلِّش شُغُل. أنا بشتغل مِن البيت، بَبَلِّش شُغلي مِن السّاعة تِسْعة لَلسّاعة أَربعة. خِلال اليوم باكُل أَكل خفيف و بعد الشُّغُل بَطبُخ. اليوم رَح أعمل عَالغَدا مَقلوبة. المَقلوبة أكلِتي المُفَضّلة. بَعد الغَدا بَشرَب قَهوة مع ماما و بعدين بَروح أَمشي بالحَديقة أو بَروح عالجيم. بالليل قبل ما أنام بَتفَرَّج على مُسَلسَل و بَحكي مَع صاحباتي. بَنام تقريبًا الساعة عَشرة كُل يوم

أمّا أَخوي هو شَخص كَسول، بِأيّام العُطلة بيِصحى السّاعة إطنعش أو أحيانًا بَعِد. طول اليوم بيِلعَب عالكمبيوتر أو بيِطلَع مَع صحابُه. بِأيّام الأسبوع هو عِندُه مَدرسة و بعد المدرسة على طول بينام. هيك حياته دايمًا… عَشان هيك ماما دايمًا معَصبة مِنُّه.