هاد الأسبوع عندي كتير خُطَط و لازِم أخَلِصهُم كُلهُم. بُكرة يوم الأحَد رح أروح على دُكتور الأسنان وبعدين رح أَشتري أكِل للبيت. بَعِد بُكرة الإتنين رح أزور صاحِبتي لإنها إجَت من السَّفَر وبعدين رح أروح عالمول.  يوم التُلاتا رح أروح أفطَر مع صاحباتي و بعدين أروح مع أختي عالسُّوق. يوم الأربعا رح أشتغل طول اليوم. يوم الخميس بَعد الشُّغُل رح أطلع أنا وأختي على كافيه أو مَطعم. يوم الجُمعة عنّا عَزومة في بيت سِتّي و رح أشوف كل العيلة هناك. ويوم السّبت رح أشتغل كُل اليوم و أخَطِّط للأسبوع إللي بعده. الحمدُلله إني بشتغل من البيت لإنه أبدًا ما عِندي وقت أعمِل كُل هاي الأشياء إزا بشتغل من المكتَب.